|
 |
AĞDAŞ RAYONU |
 |
|
|
|
|
Mənbələr
sübut edir ki, Ağdaşda hələ XX-əsrin əvvəllərində 1906-cı il 4 avqustda
qiraətxana açılmışdır. Kitabxana isə 1923-cü ildə təşkil edilmişdir.
Ağdaş rayon MKS-i 1980-cı ildə yaradılmışdır. MKS-i Oxuculara xidmət
şöbəsi, Komplektləşdirmə və kitabişləmə şöbəsi, Metodiki işlər şöbəsi,
Kitabxanalar arası abonement şöbəsi, Məlumat biblioqrafiya şöbəsi,
İncəsənət və s. şöbələri olan Mərkəzi kitabxanadan, 1 uşaq kitabxanasından
79 filial kitabxanadan ibarətdir. Filial kitabxanaların 8-i şəhərdə
3-ü qəsəbələrdə 68-i isə kəndlərdə yerləşir. Hazırda Ağdaş rayon
MKS-nin fondunda 466800 nüsxə kitab vardır ki, onlardan 85300 nüsxəsi
latın qrafikalı ədəbiyyatdır. Ötən 2010-cu ildə 39300 nəfər oxucuya
824500 nüsxə kitab verilişi olmuşdu.
Kitabxanalarımız hər il 20 yanvar hüzn günü, 24 fevral beynəlxalq
ana dili günü, 26 fevral Xocalı faciəsi günü, 8 mart beynəlxalq
qadınlar bayramı, 21-22 mart novruz bayramı, 31 mart azərbaycanlıların
soyqırım günü, 2 aprel beynəlxalq uşaq kitab günü, 9 may qələbə
günü, 28 may Respublika günü, 1 iyul uşaqları beynəlxalq müdafiə
günü, 15 iyun milli qurtuluş günü, 26 iyun silahlı qüvvələr günü,
1 avqust Azərbaycan dili günü, 15 sentyabr bilik günü, 18 oktyabr
müstəqillik günü, 12 noyabr konstitusiya günü, 17 noyabr milli dirçəliş
günü, 31 dekabr dünya Azərbaycanlılarının həmrəyliyi günü kimi əlamətdar
və tarixi günlər münasibətilə elmi praktik konfranslar, dəyirmi
masalar, disputlar, görüşlər, müzakirələr keçirir, sərgilər, foto-montajlar
təşkil edirlər. Ramazan bayramı və Qurban bayramı genişliyi ilə
qeyd edilir.
2010-cu ildə kitabxanalarımızda
yubileyi olan şair və yazıçılardan Zəlimxan Yaqubun anadan olmasının
60 illiyi, Fikrət Qocanın anadan olmasının 75 illiyi, Rəsul Rzanın
anadan olmasının 100 illiyi,Xeyrəddin Qocanın anadan olmasının 60 illiyi,
Süleyman Rəhimovun anadan olmasının 110 illiyi, Seyid Əzim Şirvaninin
anadan olmasının 175 illiyi, Əbdürrəhimbəy Haqverdiyevin anadan olmasının 125
illiyi, Süleyman Sani Axundov anadan olmasının 135 illiyi, Əlibala Hacızadənin
anadan olmasının 75 illiyi, habelə Yusif Səmədoğlunun anadan olmasının 75
illiyi və Gəray Fəzlinin 85 illiyi münasibətilə oxucular konfransları, kitab
müzakirələri, ədəbi-bədii gecə, disputlar, dəyirmi masalar, təqdimatlar keçirilmişdir.
2010-ci ilin may ayında ulu öndər ümummilli liderimiz Heydər Əliyevin
anadan olmasının 87 illiyi münasibətilə Azərbaycan Respublikası
Mədəniyyət və Turizm Nazirliyinin təşəbbüsü və Ağdaş Rayon İcra
Hakimiyyəti aparatının dəstəyi ilə rayon ictimaiyyətinin iştirak
etdiyi möhtəşəm kitab bayramı keçirilmişdir. Bu ilin may ayında
isə ümummilli liderin anadan olmasının 88-cı ildönümü münasibətilə
elmi praktik konfrans və görkəmli Oftalmoloq alim Zərifə Əliyevanın
88 illik yubileyi ilə əlaqədar dəyirmi masa keçirilmişdir. Son illərdə
kitabxanalarımızın fonduna daxil olan əksər kitabların təqdimatları
keçirilir. Bunlardan Yazıçılar birliyi Şirvan bölməsinin Ağdaş rayon yazarlarını
özündə birləşdirən "Ərəş poeziya klubunun hər ay Mərkəzi kitabxanada məşğələləri keçirilmiş,
klubun gənc üzvlərinin Turanə Bəkirlinin və Kamil Məmmədovun şeirləri Mədəniyyət
və Turizm Nazirliyinin keçirdiyi "Yeni səslər" müsabiqəsinə təqdim edilmişdir.
Oktyabr ayında isə Mərkəzi kitabxanada Ərəş poeziya klubunun üzvlərindən Elton Gürselin
"Məhəbbət məktubları", və Niyazi Nikbinin "Dünyada hər şeydən bilmək istəsən..."
kitablarının təqdimat mərasimi keçirilmişdir.
Son illərdə iyun-oktyabr aylarında əhalinin asudə
vaxtının səmərəli təşkili ilə əlaqədar olaraq hər həftənin altıncı
günləri H.Əliyev adına Mədəniyyət və istirahət parkında keçirilən
kənd və şəhər günlərində kitabxanalarımız fondlarında olan yeni
kitabların nümayişi ilə fəal iştirak etmişlər.
2011-ci
il üçün kitabxananın iş planı |
|
|
|
|
|
| |
|
|
Dövlət
rəmzlərimiz |
|
|
|
