Ağdaş rayon Tarix
Diyarşünaslıq muzeyinə gələn hər kəs ilk növbədə Türyançay dövlət meşə qoruğunun maketi ilə qarşılaşır. Qoruq 1958-ci
ildə yaradılıb. Sahəsi 12352 hektardır. Burada çaqqal, canavar, ayı, qaban, dovşan, porsuq, oxatan kirpi və s. heyvanlar,
qartal, kəklik, qırqovul, ördək, durna, yapalaq kimi quşlar, 800-ə yaxın bitki növü vardır. |
| Orta əsrlərə aid soyuq silahlar. Qılınc,xəncər orta
əsr Azərbaycan əsgərlərinin istifadə etdiyi silah növləridir. |
XIX əsr XX əsrə aid odlu silahlar. Burada qoşalülə
təklülə tüfəng, naqan, tapança qabı vardır. |
| II dünya müharibəsinə aid şöbə. Bu şöbədə tarixə ıı dünya müharibəsi
adı ilə daxil olan, bizlər üçün Böyük Vətən müharibəsi adlanan savaşda həlak olan həmyerlilərimizin fotoları və sənədləri,
veteranlarımızın şəxsi əşyaları toplanmışdır. |
Xalq şairi Səməd Vurğunun ov jileti. Görkəmli xalq şairi
Səməd Vurğun dəfələrlə rayonumuzda olmuşdur. O, 1938-ci ildə rayonumuzdan Azərbaycan SSRİ Ali Sovetinə deputat seçilmişdir.
Şair tez-tez Kür qırağı meşələrə ova gələrmiş. Bir dəfə onun maşını palçığa batır. Ləki qəsəbə sakini Məhəmmədiyə kişi
ona kömək edir. Şair onunla dostlaşır və ov jileti ilə çantasını ona bağışlayır. Məhəmmədiyə kişi isə muzey açılarkən
onları muzeyə vermişdir. |
| Xalq şairi Səməd Vurğunun ov çantası. |
XIX əsrə aid kənd evi. Kənd evləri bu cür tikilirdi. Burada mis və
gil qablar nümayiş olunur. Sini, dopu, kirkirə, cürdək, satıl, sapılca, samovar və s. qablar məişətdə işlənən əsas əşyalardır. |
| Kitab əski Azərbaycan əlifbası ilə yazılmışdır. Məhəmməd Füzulinin "Leyli və Məcnun"
əsəridir. |
Lampa vaxtilə Almaniyada istehsal olunmuşdur. Onu muzeyimizə Leyla
adlı qadın hədiyyə vermişdir. |
| Azərbaycan əsgərinin maketi. Onun əynindəki əsl zirehli jiletdir. Onu rayonumuzun
Pirkəkə kəndində bir kişi yer qazarkən tapmışdır. Bu jilet poladdan hazırlanmışdır, qılınc batmır. |
