Azərbaycan Respublikasının
Prezidenti İlham Əliyevin Ağdaşa 07 iyul 2005-ci il tarixli səfərindən sonra Ağdaş rayonunun sosial-iqtisadi həyatında
mühüm dəyişikliklər baş vermişdir. Prezidentin tapşırığına əsasən inşa edilən Olimpiya İdman Kompeksinin tikintisi başa
çatmışdır. Heydər Əliyev Fondunun təşəbbüsü ilə Ağdaşda çox orijinal bir Musiqi məktəbi tikilib istifadəyə verilmiş,
şəhərin su-kanalizasiya sisteminin yenidən qurulması layihəsinin birinci mərhələsi başa çatmış, mərkəzi avtomat-telefon
stansiyasının (ATS-nin) elektron ATS-lə (EATS) əvəz edilmişdir. 2003-2009-cu illərdə rayonda "Ağdaş" elektrik
yarımstansiyası tikilib istifadəyə verilmişdir. "Şəmsəbad" qaz-paylayıcı stansiyası yenidən qurularaq işə salınmış və 23
kəndə təbii qaz verilmişdir. Son 7 ildə rayonda 1672 şagird yeri olan 6 məktəb binası və 800 şagird yeri olan 40 sinif
otağı tikilmiş, 4 məktəb binası əsaslı təmir olunmuşdur. Rayonda əlillər və şəhid ailələri üçün 48 mənzilli yaşayış binası,
Dövlət Sosial Müdafiə Fondunun Ağdaş rayon şöbəsi üçün yeni inzibati bina və 9 saylı Ərazi Vergilər İdarəsinin xidmət
terminalı tikilmişdir. 2003-2009-cu illərdə rayonda 4500-ü daimi olmaqla 12 mindən çox yeni iş yeri açılmışdır. Azərbaycan
Respublikasının Prezidenti İlham Əliyev 2010- cu il fevralın 12-də Ağdaşda olmuşdur. Dövlətimizin başçısı əvvəlcə Ağdaş şəhərinin
mərkəzindəki Heydər Əliyev adına istirahət parkında ulu öndərin abidəsini ziyarət etdi, önünə gül dəstəsi qoydu. Sonra Prezident
İlham Əliyev Heydər Əliyev Fondunun təşəbbüsü ilə inşa edilmiş Habil Əliyev adına Ağdaş şəhər Musiqi məktəbində yaradılmış şəraitlə
tanış olmuşdur. Həmin gün Prezident Ağdaş şəhərində yeni su xəttinin və Olimpiya İdman Kompleksinin açılışında iştirak etmişdir.
Açılışdan sonra Prezidentin Ağdaş rayon ictimaiyyətinin nümayəndələri ilə görüşü olmuşdur. İlham Əliyev cənabları eyni zamanda Ağdaşda
Mərkəzi Rayon Xəstəxanasının yeni binasının və regional elektrik yarımstansiyasının təməlqoyma mərasimində iştirak etmişdir.
